Wake up dis mornin', sun hot an' bright,
Look 'roun' di yard an somethin' jus' not right.
A question bounce 'roun' inna mi head so strong,
A woh wrong wid people? Weh dem sense gone?
Member di pickney, dem likkle an' sweet?
Now dem a roam, right out inna di street.
Cussin' an' loud, wid dem rough, dutty ways,
No manners, no grace, inna dis dem early young days.
Wi future is dem, if dem nuh lost an' stray,
But kinda tomorrow wi lookin' fah today?
Mi talking bout di tablet an di phone,
Everybody a live inna dem digital zone.
Showin' off life, weh nuh really exist,
Bare face an' bare front, wi get di gist.
Di comments a fly, like stone inna street,
Tearin' dung bredda, an' sista it not so neat.
Nuh mention di politician dem, wid dem slick, shiny smile,
Making dem promises heap up in a big pile
Since election a come, dem a talk sweet an' low,
Den after di vote, we nuh usually have nothin' fi show.
Road still bruk up, an' di wata nah run,
Di struggle continue, under Jamaica sun.
Weh di true care gone? Weh di purpose fi lead?
Seems like dem forgettin' di people dem true need.
An' di biggest ting, weh mek mi heart ache an' sigh,
A di lack of simple respect, weh jus' passin' us by.
Fi di elder dem wisdom, fi di law an' di rule,
Everybody a fight, like dem neva learn manners a school.
Di community spirit, weh glue us as one,
Seems like it fadin', an soon we nah guh have none
A pure selfishness a rule now, is every man fi dem own,
Can love ever blossom now, from seeds we have sown?"
So a woh wrong wid people? Di question still a vex mi,
Like a loud, wild drum, di fast life juss a beat mi
But mi believe, mi have faith, inna dis yah land,
Wi can fix it togedda, hand inna hand.
Start wid a smile, a kind word, a good deed,
Plant di right seed, fi di harvest wi need.
Fi wi children dem future, fi di land we all share,
Mek we rise up an' show, seh wi really still care.
No comments:
Post a Comment